Izquierda Unida, INDEFINIRNOS ES RENDIRNOS

A todas y todos aquellos que nos llaman a diluirnos en la inconsecuencia, a indefinirnos, a descafeinarnos de ideología, a borrar nuestros colores y esconder nuestras banderas, a tod@s aquell@s que nos llaman a abrirnos a no se sabe quién ni a qué proyecto meramente electoralista, que nos hablan de unidad como suma matemática y no como suma de voluntades para cambiar el sistema, que hablan de tomar las instituciones burguesas, y no de tomar las calles.
A todas y todos los que acusan de desleales, de sectarios, o de anticuados, a quienes no entendemos esta unidad vacía de contenido, a los que no entendemos esta nueva democracia asamblearia donde pueden discutir millones mientras todo lo deciden entre cuatro iluminados, a tod@s ell@s les decimos que la gente de izquierdas, los que tenemos claro lo que somos y a que clase pertenecemos, nos vamos a organizar, nos vamos a unir desde el respeto a lo que nos diferencia, perdiendo cuando sea necesario por el bien común parte de nuestra razón, pero nunca ni el primero de nuestros principios, nos enfrentaremos decididamente al sistema capitalista, sin tapujos, sin inventos, sin historias para no dormir, lo haremos desde una lucha profundamente ideológica y consecuente dirigida a la movilización de toda la sociedad, y gritaremos alto, claro y fuerte, VIVA LA CLASE OBRERA! .
Gracias camarada Cayo Lara por continuar del lado de la lucha consecuente basada en ideas, y no en la mercadotecnia y las verdades de Perogrullo.

A COMARCA NON SE RENDE, LOITA E SE DEFENDE!

EN FERROLTERRA DEFENDER O NAVAL É DEFENDER O FUTURO!

EN FERROLTERRA DEFENDER O NAVAL É DEFENDER O FUTURO!

 NON PEDIMOS NADA, ESIXIMOS UN TRABALLO DIGNO E CON DEREITOS!

O rotundo éxito da mobilización en Madrid o día 22 Marzo, unido á constantes acción en defensa dos dereitos laborais e contra os ERES, pola defensa da sanidade e o ensino públicos, contra os desafiuzamentos, contra as medidas especulativas e a corrupción dos gobernos locais e autonómicos, etc, amosan claramente que existe unha ampla maioría de organización, colectivos e persoas dispostas a parar na rúa, cunha loita constante, as políticas ao servizo do capital que oprimen e afogan ao pobo traballador.

Que contraste ese ánimo de loita e participación coa política de conciliación e “negociación” co Goberno do PP na que se empeñan os dirixentes de CCOO e UGT, a pesares de ter certo que ante a ausencia dunha autentica vontade de enfrontamento sindical contra as políticas da troika e de Rajoy, a “negociación” convértese en claudicación disfrazada de acordos que na realidade en nada melloran nin os dereitos nin as condicións de vida e de traballo do pobo.

Avanza a unidade na loita e para a loita, o que sen dúbida é unha moi boa noticia que, como estamos a ver, pon nerviosos aos xestores políticos do capital , que recorren á represión, á provocación e a modificacións legais para facer case que imposible o dereito á mobilización obreira e popular.           

Pero a presión na rúa contra o goberno e a troika non pode quedarse nun mero rexeito e nunha contundente denuncia; parece hora de que demos pasos adiante e nos plántellemos que é posible e necesario cuestionar en termos políticos a lexitimidade do poder, e preparar por unha banda á insubmisión a ese poder para facerlle cada vez máis difícil aplicar as súas políticas, e por outra debater e concretar unha alternativa de cambio revolucionario e de poder popular, a alternativa ten que ser unitaria e plural pero coincidente na necesidade de acabar con este réxime herdeiro do franquismo e conquistar un réxime ao servizo do pobo. 

A loita de toda a comarca de Ferrolterra para esixir emprego e que se levante o veto imposto pola UE  –aceptado polo PSOE e polo PP- que impide construír barcos a uns estaleiros “punteiros” no sector,  debe adquirir tamén esa dimensión de loita política contra o capital e contra o réxime, e para contribuír de xeito decisivo a caída dun goberno corrupto e inimigo dos intereses de dereitos do pobo. Esa dimensión política ademais é a que pode por fin “meter o medo no corpo” do poder e obrigarlle a facer concesións e permitir a carga de traballo con xustiza que demandamos , para evitar que os obxectivos da loita se radicalicen.

Sinceramente creemos que esa tarefa é unha responsabilidade de todos e todas os que creemos na loita contra a explotación e contra os abuso da xente traballadoras; e especialmente é tarefa para un sector da clase obreira, o do naval, que xa no pasado soubo plantar cara, con valentía e decisión, nada más e nada menos que a ditadura fascista.

Remarcar tamén a importancia que ten para a supervivencia de toda a comarca a defensa do sector Naval, e imprescindible que remate a prohibición de construír barcos na antiga ASTANO, esta e unha medida de creación de emprego que afectaría positivamente a Narón, pero ademais, xa que esta en Narón o principal  polígono industrial da comarca, habería que atraer instalacións de empresas que completaran o ciclo de compoñentes e materiais para a construción naval, como ocorre con CITROEN en Vigo, empresas que se instalarían previsiblemente nese polígono.

As propostas concretas de empresas teñen que ser orientadas pola propia SEPI, polo plan Ferrol - que ata o de agora apenas serviu para nada -, polo CLUSTER do naval e polo observatorio nacional e internacional da construción Naval. PERO XA NON SE PODEN ACEPTAR NIN VETOS, NIN RESTRICIÓNS AO NOSO DEREITO Á ACCEDER LIBREMENTE A CONSTRUCIÓN NAVAL, en contra do que aceptaron os anteriores gobernos do PSOE e do PP. Ademais esta a reivindicación do dique flotante.

             

INFORMATIVO 04 07 2014 André Abeledo

Postura de Esquerda Unida de Narón no tema da nova taxa da auga e o modelo de saneamento da ría na voz de André Abeledo. TV Ferrol 04 07 2014.

ESPACIO ABIERTO 22 07 2014 ANDRE ABELEDO

Esquerda Unida de Narón!
Temos un programa, temos un modelo alternativo, queremos realmente cambiar a sociedade, queremos construír unha cidade para todas e todos e de todas e todos.
Axúntate a xente de esquerdas.

• TRABALLO DESENROLADO ATA O MOMENTO DENDE EU NARÓN:

O novo consello local de EU en Narón estalle moi agradecido o anterior equipo polo seu traballo, un traballo encamiñado a defender en todo momento que a prioridade ten que ser sempre a cidadanía.

Eu vou a centrarme no traballo que actualmente esta desenrolando EU Narón porque non formaba parte do anterior equipo.

Dende un principio unha das nosas prioridades é coñecer cales son os problemas do no noso concello de primeira man para poder ofrecer solucións, temos a intención de reunirnos tanto con asociacións veciñais como con todos os colectivos que vertebran a sociedade naronesa para que nos transmitan a súa visión.

Ademais en EU Narón temos as portas abertas a todas e todos os veciñas e veciños, a todas as persoas que teñan inquedanzas, a todas e todos os que desexen colaborar, participar, militar, ou opinar, todas as asembleas da nosa forza política están abertas a cidadanía, e pretenden non ser meras asembleas informativas, si non asembleas de debate político, e o mais importante de decisión da liña política da nosa formación.

Comezamos a nosa andadura cunha roda de prensa onde faciamos unha declaración de intencións que imos a cumprir, temos unha folla de ruta con propostas serias e claras para Narón, fai pouco fixemos unha conferencia onde invitamos a Santiago Jimenez, alcalde de IU en Villaverde del Río onde falamos entre outras moitas cousas da municipalización dos servizos, non so para mellorar a calidade dos mesmos, si non tamén abaratar costos para os cidadáns, e tamén para poder ofrecer emprego público en condicións dignas, con salarios dignos, e con dereitos, como motor tamén da recuperación económica.

• BALANCE DO GOBERNO CUATRIPARTITO NO MUNICIPIO:

Neste punto e que partimos de concepcións distintas de como gobernar un municipio, en esquerda unida entendemos a política como un xeito de mellorar a vida das persoas, de defender os seus dereitos, de protexer aquelas persoas en situacións mais complicadas, e no actual contexto moitas veces hai que enfrontarse a leis inxustas, non queremos ser simples xestores de presupostos dun concello, queremos darlle o protagonismo as veciñas e veciños, queremos que participen nas decisións.

• O SANEAMENTO DA RÍA E O CONFLITO ENTRE FERROL E NARÓN:

Creemos firmemente que os servizos básicos deben se municipalizados para que non se converten nun simple negocio, nestes tempos de crise non se pode cargar as familias con a subida de todo aquelo imprescindible para poder vivir con dignidade.

- A partir de Decembro o Concello de Ferrol pasará a cobro aos seus veciños/as unha taxa por saneamento das augas que se verten á Ría e que teoricamente serán depuradas pola nova rede de saneamento, taxa que ascenderá a 76 euros anuais; esta cantidade será aumentada cada ano.

- A contía da taxa foi fixada unilateralmente polo Concello de Ferrol e EMAFESA, en base a un presunto estudo de custo de mantemento da rede, estudo que ao día de hoxe non coñece nin a oposición municipal, nin o Concello de Narón, que tamén terá que aplicar a referida taxa. En calquera caso, os datos que obran no poder do veciños sobre o funcionamento da rede de saneamento, datos que foron recadados polo seus medios e agrupados nunha comisión veciñal, -dado o escurantismo do Concello de Ferrol, ACUAES GALICIA –ORGANISMO DA XUNTA DE GALICIA-, e a CONFEDERACIÓN HIDROGRÁFICA DO MIÑO SIL- indican que a contía da taxa resposta a un sobrecusto calculado para dar beneficios a EMAFESA,e máis exactamente á Empresa privada que ten o 49% das súa participación. Hai que lembrar que legalmente taxa só ten a finalidade cubrir os custos do servizo, sin que poida ser unha medida recadadora do Concello para si ou para un terceiro.

- O propio Concello de Narón pon en cuestión esa contía e encargou un estudo alternativa que coincide en cualificar a taxa excesivamente elevada para o que é o custo enerxético do funcionamento da rede de saneamento.

- O Concello de Ferrol incorre nunha ilegalidade cando outorga directamente a concesión do mantemento da rede a EMAFESA, QUE NON É UNHA EMPRESA PÚBLICA; só si a Empresa fora totalmente pública podería recibir directamente a concesión sin concurso. Esta razón permite falar dunha posible nulidade da concesión, unida tamén a falla de información ao conxunto da corporación e da cidadanía.

- O Estado non aporta cartos nin para a construción rede de saneamento nin para o seu mantemento. O Concello de Ferrol fía pagar aos seus veciños incluso o custo de posta en marcha da Depuradora de A Cabana, cando a práctica habitual é que non se reciba esta infraestrutura sen comprobar antes pola Administración Central o seu estado.

- A rede de saneamento en construción está afectada polas seguintes denuncias públicas, que incluso nalgún momento podería ser obxecto de denuncia xudicial, como xa o foi fai dous meses atrás ante a Unión Europea:

- En Ferrol Non parte dunha rede previa separativa de augas brancas e de augas fecais, a pesares de que as directivas ao respecto da UE obrigan a esa medida ineludible. Os chamado tanques de tormentas previstos non teñen a capacidade que o proxecto prevía para absorber as augas a depurar, polo que parte de estas –mesturadas augas residuais con augas brancas- sairán por aliviadoiros que contaminarán un río que fora canalizado previamente e acabarán na ría sen depurar; a depuradora de A Cabana non pode absorber a depuración prevista no proxecto da rede de saneamento; os tanques de tormentas a construír son máis dos que serían necesarios e colocados en lugares que afectan negativamente á residencia e ao ocio dos veciños (parques públicos, ribeira de Caranza….), sin que se aceptara polo Goberno, Xunta e Concello falar de rediseñar o proxecto e buscar emprazamentos alternativos –que os había- menos prexudiciais: todo indica que se fixo un proxecto de obra para aumentar o orzamento en función do beneficio da empresa que constrúe esa infraestrutura…lembremos ademais que o Presidente da Confederación hidrográfica do Miño –Sil cando se aprobou este proxecto está imputado por corrupción e que é práctica habitual pactar coas empresas construtoras sobrecustos nas obras públicas.

• PRIORIDADES DO GRUPO POLÍTICO ATA O FINAL DA LEXISLATURA:

As nosas prioridades vanse centrar na loita para que as autoridades municipais tenten desenvolver políticas de crear e fomentar emprego, empregos dignos e de calidade  para os seus e as súas habitantes. Que é posible. Así mesmo, afondar nas políticas enfocadas a mellorar os servizos de saúde, educación, cultura...

Cómpre tamén apostar por políticas claras de defensa do público como única garantía de que o que se vai ofrecer son efectivamente servizos e non meras operacións de lucro. Entendemos que o que estivemos vendo nos últimos –e xa prolongados anos– demostraron ás claras que a inmensa maioría das privatizacións de servizos non fixeron outra cousa que encarecelos empeorando a súa calidade. Porque xa non son servizos, senón negocios que pagamos todos e todas.

En Narón, desgraciadamente como en case tódalas partes, tamén temos exemplos de privatizacións, nos que se entendeu a política municipal como oportunidade de negocio para algúns. (Aldea Nova, Cementeira...)

Remarcar tamén a importancia que ten para a supervivencia de toda a comarca a defensa do sector Naval, e imprescindible que remate a prohibición de construír barcos na antiga ASTANO, esta e unha medida de creación de emprego que afectaría positivamente a Narón, pero ademais, xa que esta en Narón o principal  polígono industrial da comarca, habería que atraer instalacións de empresas que completaran o ciclo de compoñentes e materiais para a construcción naval, como ocorre con CITROEN en Vigo, empresas que se instalarían previsiblemente nese polígono.

As propostas concretas de empresas teñen que ser orientadas pola propia SEPI, polo plan Ferrol - que ata o de agora apenas serviu para nada -, polo CLUSTER do naval e polo observatorio nacional e internacional da construción Naval. PERO XA NON SE PODEN ACEPTAR NIN VETOS, NIN RESTRICIÓNS AO NOSO DEREITO Á ACCEDER LIBREMENTE A CONSTRUCIÓN NAVAL, en contra do que aceptaron os anteriores gobernos do PSOE e do PP. Ademais esta a reivindicación do dique flotante.